Video rekkinn

#38 - 1 dagar til Jóla- It's a wonderful life 1946

Jú, góðir hálsar, lífið er svo sannarlega dásamlegt. Ef þið eruð í einhverjum vafa um það, gefið ykkur 2 tíma og 10 mínútur og skyggnist inn í líf Georgs Bailey og fjölskyldu hans. Ég get lofað því að vafinn hverfur út í veður og vind.
 
Videórekkinn fjallar að þessu sinni um meistaraverkið It’s a Wonderful Life úr smiðju Frank Capra og lýkur þar með sérstakri jólaniðurtalningu. Horfið, hlustið og leyfið jólaandanum að koma til ykkar! 🎄

#37 - 8 dagar til Jóla- Elf 2003

Munaðarlaus drengur skríður óvart í poka sjálfs jólasveinsins og er fluttur til Norðurpólsins, þar sem hann er alinn upp sem álfur. Í leit sinni að sínum rétta föður leggur Álfurinn af stað í gegnum jólastafaskó, yfir bómullarjökull og yfir hafið, og loks Lincoln göngin. Framhaldið af þessari sögu fjöllum við um í sjöunda þætti Video Rekkans, dömur mínar og herrar…
🧝🏻🎅🏻ELFFFFF!!!!!!!🧝🏻🎅🏻

#36 - 15 dagar til Jóla- National Lampoon's Christmas vacation 1989

Það er desember og Clark Griswold er staðráðinn í að skapa fullkomin jól fyrir fjölskylduna sína – og gestina, bæði boðna og óboðna.
Allt um þetta, jólaundirbúninginn, jólaandann og óvænt ævintýri í nýjasta þætti Video Rekkans!

#35 - 22 dagar til Jóla- The Holiday 2006

✨ Amanda og Iris eru bæði búin að fá nóg af ástarsorg og ákveða að skipta um hús yfir jólin – önnur fer úr ensku sveitinni í til Los Angeles, hin úr borginni í notalegu sveitasæluna. 🔄 Það sem átti að vera rólegt frí verður allt annað þegar jólakrafturinn og ástin taka völdin! 💞🎄
 
Í þessum þætti Jóla Video Rekkans förum við yfir þessa dásamlegu og fyndnu jólamynd sem pakkar inn rómantík með slaufu. 🎁✨

#34 - 29 dagar til Jóla- The Nightmare Before Christmas 1993

Jack, leiðtogi Hrekkjavökubæjar, er orðinn þreyttur á hinu síendurtekna hlutverki sínu sem kóngur hrekkjavökunnar og þráir eitthvað nýtt og spennandi. Á sama tíma er Sally, sem býr undir oki skapara síns, fangelsuð af sínum eigin takmörkunum og þráir frelsi og sjálfstætt líf.
 
Í þessum nýjasta þætti Jóla Video Rekkans fjöllum við um þessa heillandi sögu, þar sem draumar, ævintýri og andi jólanna fléttast saman.

#33 - 36 dagar til Jóla- Die Hard 1988

Jólamynd, ekki jólamynd, það er spurningin....reyndar ekki ef þú spyrð okkur. Frekari lýsingar óþarfi!🎄Allt þetta og meira til í þessum þætti Video Rekkans!!

#32 - 43 dagar til Jóla- Kiss Kiss - Bang Bang 2005

Innbrotsþjófur frá New York lendir óvart í áheyrnaprufum fyrir bíómynd og er shanghæaður til Los Angeles, þar sem ýmislegt á eftir að gerast – eiginlega svo mikið að það er erfitt að koma því í orð. En þetta er í senn ástarsaga, reifari, jólamynd og löggumynd. Hér er á ferðinni eitt af gleymdu meistaraverkunum, ein af þessum sem allir þurfa að sjá.
 
🎄🤶🎅🏻Allt um þetta og meira til í þessu þætti Video Rekkans🎅🏻🤶🎄
 
 
 

#31 - 50 dagar til Jóla- The Family Stone 2005

Meredith Morton kemur í fyrsta sinn í jólaboð hjá fjölskyldu kærastans síns, Everett Stone. Hún er formleg, með alla hluti skipulagða og er á alla mælikvarða mjög, mjög stíf, en fjölskylda hans er eiginlega algjör andstæða.
Frá fyrstu kynnum finnst Stone-fjölskyldunni erfitt að tengjast Meredith og þessi jólaferð Meredith á eftir að draga dilk á eftir sér.Hér er fyrsti þáttur sérstakrar jólaseríu Video Rekkans🎅🏻🤶🎉

#30 Sigourney Weaver- Alien: Resurrection

200 árum eftir atburði Alien 3 er Ripley endurlífguð með klónatækni og hefur nú ofurkrafta.
Það er sem táningsdrengur hafi fengið frjálsar hendur að skrifum handritsins og svo hafi einhver ákveðið að fá franskan listrænan leikstjóra til að taka við leikstjórninni. Það er smá snilld í gangi, smá ekki, og eitthvað þarna mitt á milli.
Þetta er síðasta skipti hingað til sem Sigourney Weaver fer í hlutverk Ripley, en 100% síðasti þáttur Video Rekkans um hina hávöxnu og hæfileikaríku Sigourney Weaver.

#29 Sigourney Weaver- Copycat

Frægur réttarsálfræðingur sem sérhæfir sig í hegðun raðmorðingja verður fyrir hræðilegri árás frá einum slíkum og þróar í kjölfarið með sér víðáttufælni, sem heldur henni föngnum í eigin íbúð. Þegar nýr raðmorðingi byrjar að herma eftir glæpum fyrri morðingja, neyðist hún, þrátt fyrir eigin ótta, til að aðstoða lögregluna við að upplýsa málið.Hér er á ferðum ein af gleymdum mini smellum níunnar, svo er bara spurning hvort hún hefði kannski bara átt að gleymast....🤷