Video rekkinn

#25 Sigourney Weaver- Aliens

Ellen Ripley snýr aftur til plánetunnar þar sem áhöfn hennar lenti í sinni verstu martröð, nú með sveit hermanna að vopni.
Sigourney Weaver tekst á við sitt íkonískasta hlutverk ferilsins. 
Hér er tekist á við tilfinningar móðurhlutverksins, nýjar klippingar, vindlar nagaðir og mikið af blótandi hermönnum.  

#24 Sigourney Weaver- Ghostbusters

Dana Barrett er bara venjuleg ung kona á uppleið  í New York þegar íbúðin hennar verður að miðstöð yfirnáttúrulegra atburða. Henni til happs hafir ungir frumkvöðlar nýverið stofnað fyrirtæki sem gæti mögulega aðstoðað hana.
Hér eru litaðar sokkabuxur, stór permanet, skrítnar kynferðislegar fantasíur og margt margt fleira.
Allt þetta og meira til í nýjasta þætti Video Rekkans.

#23 Sigourney Weaver- The Year of Living Dangerously

Ungur ástralskur blaðamaður fær sitt stærsta tækifæri til þessa þegar hann er sendur til Indónesíu til að fjalla um pólitískan óróa þar í landi. Í gegnum störf sín kynnist hann hinum trausta ljósmyndara, Billy, og fellur fyrir Jill, starfsmanni breska sendiráðsins.
 
Allt þetta og meira í nýjasta þætti Video Rekkans!

#22 Sigourney Weaver- Alien

Áhöfnin á geimskipinu Nostromo svarar neyðarkalli og lendir í algjörri martröð þegar óboðinn farþegi kemur um borð. Fljótlega er morðóð skepna laus í skipinu, og það er undir Ellen Ripley komið að lifa af. Spenna, skelfing og köttur.

#21 (EXTRA) Nicolas Cage - Longlegs

Alríkisfulltrúin Lee Parker þarf að taka á honum stóra sínum þegar reynir að handsama goðsagnakennda, Longlegs, persónu sem leikur lausum hala.
Tryllir, tár, öskur, myndvinnsla, hljóðsvinna, leiksjtórn, leikur, tilfinningar og síðast en ekki síst BÍÓ!Allt þetta og meira til í þessum sérstaka aukasumarkæting.

#20 Nicolas Cage - Heilög þrenning!

Hér eru lýsingar óþarfi, það þekkja allir tímamótaverkin sem hér eru undir The Rock, Face Off og Con Air🔥
En nú er þetta búið í bili milli okkar og Nicolas Cage. Við kveðjum hann með þessum síðasta þætti um hann í bili, og hlökkum til að kanna önnur spennandi viðfangsefni í framhaldinu.

#19 Nicolas Cage - Bringing out the dead

Sjúkraflutningarmaður berst við andleg veikindi vegna mikillar streitu í vinnunni. Við fylgjumst með andlegri hnignun Franks á ferðalagi sínu um götur New York borgar þar sem hann reynir sitt besta að bjarga lífum þeirra sem minna mega sín.
Allt við þessa mynd ætti að segja okkur að þetta sé meistarastykki, skrifuð eftir metsölubók, handritið á gæjinn sem gerði Taxi Driver og Raging Bull, leikstjórinn er Martin Scorsese og leikararnir eru allir í hæsta gæðaflokki.
Tekst þetta? Hver veit. Komist að því í þessum þætti af Video Rekkanum.

#18 Nicolas Cage - The Unbearable Weight Of Massive Talent

Kvikmyndastjarna leggur leið sína til Mallorca til að taka þátt í afmælishátíð óþekkts milljarðamærings. En allt er ekki sem sýnist; áður en langt um líður, er stjarnan komin á kaf í flókinn lygavef bandarísku leyniþjónustunnar og reynir í örvæntingu að bjarga dóttur pólitíkuss.
Myndin er á sama tíma spennuþrungin hasarmynd, ævintýraferð, gamanmynd, djúpstæð drama, andrúmsþrungin spennumynd og rómantísk ástarsaga. Allt þetta og meira til í þessum þætti Video Rekkans.

#17 Nicolas Cage - The Pig

Einsetubúi nokkur lendir í kröppum dansi þegar trufflusvíninu hans er stolið um miðja nótt, af óprúttnum aðilum, og hann neyðist til fara aftur til borgarinnar í samfélag mannanna í leit að sínu ástkæra svíni. 
Það mætti að segja að hér væri á ferðinni endurgerð af John Wick,  nema núna er hann kokkur og leynisvopnið hans eru bragðlaukar frekar en ofbeldi. 

#16 Nicolas Cage - Mandy

Skógarhöggsmaður lendir í kröppum dansi þegar ofsatrúarhippacult fær afbriðgilegan áhuga á konunni hans. Hér blandast saman stórkostleg tónlist Jóhanns Jóhannssonar og listileg kvikmyndataka Panos Cosmatos.Hér eru ofboðslega mikið af litum, ofboðslega mikið af blóði, ofboðslega mikið af litaleiðréttingu, ofboðslega mikið að dauða og myrki.Hér er mynd sem engin hefði/ætti að láta framhjá sér fara og svo náttúrulega hlusta á þennan þátt :)