Video rekkinn

#16 Nicolas Cage - Mandy

Skógarhöggsmaður lendir í kröppum dansi þegar ofsatrúarhippacult fær afbriðgilegan áhuga á konunni hans. Hér blandast saman stórkostleg tónlist Jóhanns Jóhannssonar og listileg kvikmyndataka Panos Cosmatos.Hér eru ofboðslega mikið af litum, ofboðslega mikið af blóði, ofboðslega mikið af litaleiðréttingu, ofboðslega mikið að dauða og myrki.Hér er mynd sem engin hefði/ætti að láta framhjá sér fara og svo náttúrulega hlusta á þennan þátt :)

#15 Nicolas Cage - Sorcerer's Apprentice

Lærlingur Merlins fær það verkefni að finna arftaka læriföður síns, en það er eina leiðin til að bjarga heiminum frá glötun. Þetta er í senn ástarsaga og ævintýri, hvað gæti mögulega klikkað!Þið getið komist að því í nýjasta þætti Video Rekkans.

#14 Nicolas Cage - Next

Töframaður með ofurkrafta verður miðdepill aðgerða FBI til að stöðva kjarnorkusprengju sem hryðjuverkamenn ætla að sprengja í miðborg Los Angeles. Hér er olíuborinn húð, brjóstaskorurnar halda áfram, hárið heldur áfram að vera furðulegt og síðast en ekki síst ekki örvænta, vondu kallarnir eru þýskir...Allt þetta og meira til í þessum þætti!

#13 Nicolas Cage - Ghost Rider

Bældur drengur í tilvistarkreppu gerir svona eiginlega næstum því samning við kölska, sem á eftir að draga dilk á eftir sér, svolítið eins og Sæmundur Fróði í Svartaskóla.En í þessari sögu birtast okkur magavöðvar, brjóstaskorur, biblíusögur, voldugt yfirvaraskegg og margt fleira.Allt þetta og meira til í þessum þætti af Video Rekkanum

#12 Nicolas Cage - National treasure

Dulmálssérfræðingur leitar af fjársjóð sem fjölskylda hans hefur leitað í árhundruðir og var falin af frímúrurum sem voru líka einir af landsfeðrum Bandaríkjanna. Algjör klassísk negla sem höfðar til gjörsamlega allra...í það minnsta flestra!

#11 Nicolas Cage - Matchstick men

Einmana svikahrappur með áráttuheggðun fær tækifæri til að kynnast dóttir sinni sem hann vissi ekki að væri til. 
Hér er á ferðinni mynd sem lætur lítið fyrir sér fara en inniheldur algjörar sleggju leikstjóra, sleggu tónsmíðar og síðast en ekki síst sleggju leikarar.Cage upp á sitt allra besta!

#10 Nicolas Cage - Adaptation

Handritshöfundur með brotna sjálfsmynd fær það verkefni að skrifa handrit eftir bók um mann sem elskar orkidíur. Stórleikarar í hverju hlutverki, sumir í fleiri en einu hlutverki, hér eru tilfinningar, tilvistarkreppa, húmor, en bara umfram allt bara frábær mynd. 

#9 Nicolas Cage - Gone in 60 seconds

Bílaþjófur fer á eftirlaun en neyðist til að komast aftur í bransan þegar bróðir hans klúðrar málunum. Hér er mikið af málm, timburelskandi vondum bretum, slæmar hárgreiðslur, mikið litaleiðrétt og margt fleira furðulegt. Allt þetta og mikið meira í þessum þætti af Video Rekkanum

#8 Nicolas Cage - 8MM

Spæjari í óhamingjusömu hjónabandi fær það verkefni að finna stúlku sem mögulega var drepin á hrottalegan hátt. Hér er mikið myrkur, mikið ofbeldi, mikið af furðulegri tónlist, mikið af tilfinningum. Þetta er mikið fleira í þessum þætti Video Rekkans um ræmuna 8MM. 

#7 Nicolas Cage - Leaving Las Vegas

Áfengi, meira áfengi og svo aðeins meira áfengi einkennir þessa mynd. En fyrst og fremst er þetta dramatísk ástarsaga. Nicolas Cage og Elisabeth Shue fara gjörsamlega á kostum. Leaving Las Vegas er mynd sem sannar að þú þarft ekki alla heimsins peninga til að sigra heiminn.