Video rekkinn

#35 - 22 dagar til Jóla- The Holiday 2006

✨ Amanda og Iris eru bæði búin að fá nóg af ástarsorg og ákveða að skipta um hús yfir jólin – önnur fer úr ensku sveitinni í til Los Angeles, hin úr borginni í notalegu sveitasæluna. 🔄 Það sem átti að vera rólegt frí verður allt annað þegar jólakrafturinn og ástin taka völdin! 💞🎄
 
Í þessum þætti Jóla Video Rekkans förum við yfir þessa dásamlegu og fyndnu jólamynd sem pakkar inn rómantík með slaufu. 🎁✨

#34 - 29 dagar til Jóla- The Nightmare Before Christmas 1993

Jack, leiðtogi Hrekkjavökubæjar, er orðinn þreyttur á hinu síendurtekna hlutverki sínu sem kóngur hrekkjavökunnar og þráir eitthvað nýtt og spennandi. Á sama tíma er Sally, sem býr undir oki skapara síns, fangelsuð af sínum eigin takmörkunum og þráir frelsi og sjálfstætt líf.
 
Í þessum nýjasta þætti Jóla Video Rekkans fjöllum við um þessa heillandi sögu, þar sem draumar, ævintýri og andi jólanna fléttast saman.

#33 - 36 dagar til Jóla- Die Hard 1988

Jólamynd, ekki jólamynd, það er spurningin....reyndar ekki ef þú spyrð okkur. Frekari lýsingar óþarfi!🎄Allt þetta og meira til í þessum þætti Video Rekkans!!

#32 - 43 dagar til Jóla- Kiss Kiss - Bang Bang 2005

Innbrotsþjófur frá New York lendir óvart í áheyrnaprufum fyrir bíómynd og er shanghæaður til Los Angeles, þar sem ýmislegt á eftir að gerast – eiginlega svo mikið að það er erfitt að koma því í orð. En þetta er í senn ástarsaga, reifari, jólamynd og löggumynd. Hér er á ferðinni eitt af gleymdu meistaraverkunum, ein af þessum sem allir þurfa að sjá.
 
🎄🤶🎅🏻Allt um þetta og meira til í þessu þætti Video Rekkans🎅🏻🤶🎄
 
 
 

#31 - 50 dagar til Jóla- The Family Stone 2005

Meredith Morton kemur í fyrsta sinn í jólaboð hjá fjölskyldu kærastans síns, Everett Stone. Hún er formleg, með alla hluti skipulagða og er á alla mælikvarða mjög, mjög stíf, en fjölskylda hans er eiginlega algjör andstæða.
Frá fyrstu kynnum finnst Stone-fjölskyldunni erfitt að tengjast Meredith og þessi jólaferð Meredith á eftir að draga dilk á eftir sér.Hér er fyrsti þáttur sérstakrar jólaseríu Video Rekkans🎅🏻🤶🎉

#30 Sigourney Weaver- Alien: Resurrection

200 árum eftir atburði Alien 3 er Ripley endurlífguð með klónatækni og hefur nú ofurkrafta.
Það er sem táningsdrengur hafi fengið frjálsar hendur að skrifum handritsins og svo hafi einhver ákveðið að fá franskan listrænan leikstjóra til að taka við leikstjórninni. Það er smá snilld í gangi, smá ekki, og eitthvað þarna mitt á milli.
Þetta er síðasta skipti hingað til sem Sigourney Weaver fer í hlutverk Ripley, en 100% síðasti þáttur Video Rekkans um hina hávöxnu og hæfileikaríku Sigourney Weaver.

#29 Sigourney Weaver- Copycat

Frægur réttarsálfræðingur sem sérhæfir sig í hegðun raðmorðingja verður fyrir hræðilegri árás frá einum slíkum og þróar í kjölfarið með sér víðáttufælni, sem heldur henni föngnum í eigin íbúð. Þegar nýr raðmorðingi byrjar að herma eftir glæpum fyrri morðingja, neyðist hún, þrátt fyrir eigin ótta, til að aðstoða lögregluna við að upplýsa málið.Hér er á ferðum ein af gleymdum mini smellum níunnar, svo er bara spurning hvort hún hefði kannski bara átt að gleymast....🤷

#28 Sigourney Weaver- Dave

Dave er venjulegur maður sem lendir óvart í hlutverki forseta Bandaríkjanna eftir að alvöru forsetinn, sem er tvífari hans, fær heilablóðfall. Fyrst hélt hann að þetta yrði auðvelt – bara að brosa og veifa – en fljótlega kemst hann að því að vika getur verið ansi langur tími í pólitík.
 
Klassísk snemm-níutíu bíósmellur sem gæti hafa fallið í gleymskunnar dá! Hér er mikil pólitík, mikil sál, smá ást, margar snyrtilegar grasflatir, mikið af mahóní og síðast en ekki síst mikil gleði!

#27 Sigourney Weaver- Working Girl

Ung kona á uppleið í New York. Hér eru axlapúðar, mikið hár, mikið af litum, mikið af hjartaknúsurum, mikið af undirfötum, mikið af svikum. Hér fær áttundi áratugurinn að skína sínu allra skærasta.
 
👩‍❤️‍💋‍👨Allt þetta og meira til í þessum þætti Video Rekkans.👩‍❤️‍💋‍👨

#26 Sigourney Weaver- Gorillas in the Mist

Þetta er saga konu sem fer til Afríku til að rannsaka górillur. Hún verður vinur górillanna, en óvinur alls samfélagsins í kringum sig.
 
Hér er vinátta, mannlegur harmleikur, skrítnar þráhyggjur, kurteisir Bretar, nýlendustefnan, górillur - bæði vélknúnar og af holdi og blóði.
 
🐵🎥Hér er ein af neglum áttunnar, en spurningin er bara, hefur hún elst vel…?🎥🐵